16:17 / 27.04.2023
Del në ankand koleksioni privat i Freddie Mercury
RTSH
Më shumë se 1500 artikuj nga koleksioni privat i Freddie Mercury, duke përfshirë kostume, objekte unike dhe tekste këngësh të shkruara me dorë, do të dalin në ankand.
Koleksioni i këngëtarit të Queen, i cili ka mbetur kryesisht i paprekur në ish-shtëpinë e tij në Londrën perëndimore në tre dekada që nga vdekja e tij, do të ekspozohet publikisht në kryeqytetin britanik.
Gama e gjerë e artikujve që përfshin veshjet, pikturat dhe objektet nga jeta e përditshme e Mercury do të dalin në ankand në Londër dhe pritet të arrijnë të paktën 7.5 milion dollarë.























