Inter bën hap të madh drejt Stambollit
BKT
Sport

Inter bën hap të madh drejt Stambollit

Uran Krasniqi / RTKLive

Dy gola të dhënë në fillim të ndeshjes kundër Milanit kanë bërë që Inter të bëjë hap të madh drejt finales së Champions League e cila këtë vit do të zhvillohet në Stamboll.   

Ndeshja e parë gjysmëfinale e zhvilluar në "San Siro" është mbyllur me fitoren e "zikaltërve". Rezultati ka qenë 0-2. 
Skuadra e trajnerit Simone Inzaghi e ka nisur furishëm ndeshjen, ku Dzeko e ka gjetur golin qysh në minutën e tetë përmes një gjuajtje volej pasi paraprakisht ka pranuar topin nga nga Calhanoglu. 
Pas vetëm katër minutave Inter ka ardhur edhe tek goli i dytë, kur Mkhitaryan është treguar i saktë nga afërsia.
Me epërsi prej dy golave është mbyllur edhe pjesa e parë. 
Pjesa e dytë ka njohur përpjekje të dyanshme për ta ndryshuar rezultatin, por pa sukses. 
Javën e ardhshme zhvillohet ndeshja e dytë mes dy skuadrave që vijnë nga i njëjti qytet dhe në dispozicion janë edhe nëntëdhjetë minuta të plotë për ta sqaruar finalistin i cili do të ndeshet me fituesin e ndeshjes Real Madrid - Manchester City.