Shmanget finalja italiane në Europa League, Sevilla eliminon Juventusin
BKT
Sport

Shmanget finalja italiane në Europa League, Sevilla eliminon Juventusin

Uran Krasniqi / RTKLive

Është shmangur një finale krejtësisht italiane në Europa League. Një gol i realizuar nga Lamela në minutën e pestë të vazhdimeve ka rezultuar fatal për Juventusin.

Sevilla ka eliminuar skuadrën italiane, duke siguruar kështu finalen e ku e pret Roma. 
Për nëntëdhjetë minuta skuadrat kanë luajtur baraz 1-1. 
Kanë qenë italianët që e kanë gjetur rrjetën të parët me Vlahovic (65'). Por gëzimi i "Zonjës së vjetër" nuk ka zgjatur shumë. Në minutën e shtatëdhjetë e një Suso e ka barazuar rezultatin. 
Kësisoji Sevilla ka fituar me rezultat të përgjithshëm 3-2, pasi ndeshja e parë në Torino ishte mbyllur me barazim 1-1. 
Paraprakisht sonte Roma ka eliminuar Bayer Leverkusenin.