13:15 / 09.06.2023
KFOR-i për situatën në veri: Të gatshëm të intervenojmë në rast nevoje
RTK
Zyrtarë të KFOR-it në një konferencë për media deklaruan se janë të gatshëm që t`i përdorin të gjitha masat, nëse eskalon situata në veri.
Zëdhënësi i shtabit të KFOR-it, koloneli Andrea Gallieni, në vazhdimësi ka kontakte me institucionet e Kosovës, mirëpo më 29 maj, kur kryetarët e katër komunave veriore u vendosën në zyrat e tyre, nuk pati koordinim.
Ai tha se, aktualisht, situata është më e qetë, megjithatë po e monitorojnë atë. Ndërkaq sa u përket ushtarëve të lënduar, tha se janë dërguar në Itali për trajtim.
Gallieni shtoi se 500 ushtarë nga Turqia janë të gatshëm të intervenojnë në rast nevoje.























