23:09 / 15.06.2023
Kurti: Ushtarët turq në KFOR kontribuues të sigurisë dhe paqes në Kosovë
N.M. /RTKlive
Kryeministri i Kosovës, Albin Kurti, ka pritur në takim, Ambasadorin e Turqisë në Kosovë, Sabri Tunç Angılı.
“Diskutuan për marrëdhëniet bilaterale dhe për mundësitë e thellimit dhe rritjes së bashkëpunimit në sfera të interesit reciprok”, thuhet në njoftimin e zyrës për informim të Kryeministrit.
Bëhet e ditur se kryeministri Kurti i shprehu ambasadorit falënderimin e tij për kontingjentin e ri prej afër 500 ushtarëve turq në KFOR, duke cilësuar se kjo i kontribuon sigurisë dhe paqes në Kosovë.























