Bill Clinton mbërrin në Tiranë
Edona Potvorica RTK /RTKlive
(E plotësuar) Ish-presidenti amerikan Bill Clinton ka mbërritur ne aeroportin “Nënë Tereza” në Tiranë, ku është pritur nga kryeministri shqiptar, Edi Rama.
Me flamujt e SHBA-ve në duar, shumë qytetarë shqiptarë janë mbledhur përpara Kryeministrisë pak përpara ceremonisë për ish-presidentin Clinton.
Bill Clinton do të nderohet me medaljen e Yllit të Mirënjohjes Publike, ndërsa do të mbajë një fjalim para popullit shqiptar, raporton rtsh.al.
Presidenti i 42-të i SHBA-së Bill Clinton dhe kryeministri shqiptarë, Edi Rama, do të bëjnë parakalimin ceremonial dhe do të nderojnë flamujt e dy vendeve.

Tirana mirëpret ardhjen e Bill Clinton-it

Tirana i ka bërë të gjitha përgatitjet që në orën 19:00 të mirëpresin në një ceremoni të posaçme zyrtare ish-presidentin Bill Clinton.
Presidenti i 42-të i SHBA-së, Bill Clinton, dhe kryeministri shqiptar, Edi Rama, do të bëjnë parakalimin ceremonial dhe do të nderojnë flamujt e dy vendeve.
Mediat në Tiranë raportojnë se në kryeqytetin shqiptar, ai do të qëndrojë pas një ftese të bërë më herët nga kryeministri Edi Rama.
Shkuarja e tij në Shqipëri përkon me festën e pavarësisë së SHBA-së, që është më 4 korrik.
Përveç takimit me kryeministrin shqiptar, Edi Rama, ai do të pritet edhe nga presidenti Bajram Begaj, si dhe do të ketë edhe takime të tjera.


Foto: Edona Potvorica























