22:38 / 06.07.2023
Turku Arda Guler transferohet te Real Madrid
Uran Krasniqi / RTKLive
Arda Guler tashmë është lojtar i Real Madridit, ka njoftuar klubi spanjoll të enjten.
Real Madrid në njoftimin e vet për transferimin e futbollistit turk ka ndarë të dhëna biografike e të karrierës së tij, por jo edhe vlerën monetare që e ka paguar për të si dhe detaje të tjera.
Për futbollistin deri në momentin e fundit ishte në garë edhe klubi i tjetër i madh nga Spanja, Barcelona.
Tetëmbëdhjetë vjeçari është larguar nga Fenerbahce me të cilën ka fituar Kupën e Turqisë. Futbollisti i lindur më 2005 në pesëdhjetë e një paraqitje për skuadrën e tij ka shënuar nëntë gola si dhe ka bërë dymbëdhjetë asistime.























