Kurti i kërkon BE-së që ta sanksionojë Vulinin
BKT
Lajme

Kurti i kërkon BE-së që ta sanksionojë Vulinin

Sh.Ç /RTKlive

Kryeministri i Kosovës, Albin Kurti ka kërkuar që edhe Bashkimi Evropian ta sanksionojë drejtorin e Agjencisë për Siguri dhe Informacion i Serbisë, Aleksandër Vulin, pas SHBA-së.

Kryeministri Kurti ka theksuar  se komuniteti ndërkombëtar duhet ta ndjekë vendimin e SHBA-së.

“Rasti i Aleksandër Vulinit tregon se përzierja helmuese e autokracisë dhe korrupsionit rrezikon jo vetëm demokracinë dhe sundimin e ligjit, por edhe paqen dhe sigurinë në gjashtë shtetet e Ballkanit Perëndimor dhe më gjerë”, ka shkruar shefi i ekzekutivit në Twitter

Kurti ka bashkangjitur një thirrje të Grupit të Socialistëve dhe Demokratëve në Parlamentin Evropian drejtuar BE-së që “ta ndjekë shembullin” e SHBA-së.

Nuk ka asnjë përshkrim të disponueshëm


MË SHUME NGA Lajme