19:25 / 21.07.2023
Sveçla në veri: Vendosmëria e policisë një nga garancitë e Republikës
B. H. | RTKlive
Ministri i Punëve të Brendshme, Xhelal Sveçla ka qëndruar sot në veri të vendit, ku ka vizituar zyrtarët e Policisë së Kosovës.
Sveçla tha se i ka falënderuar ata për punën, përkushtimin dhe korrektësinë duke shtuar se vendosmëria e trupës së policisë përbën një nga garancitë e Republikës.
“Ne e synojmë bashkarisht Kosovën si shembull të demokracisë, ku rendi e ligji i vendos qytetarët në liri e barazi pa dallim. Policia është e Republikës sepse të gjithë qytetarët janë të Republikës. Vendosmëria e zyrtarëve policorë na e shtoi edhe më shumë bindjen dhe energjinë për projektin tonë të shtetimit. Policia sot është institucioni më i denjë i këtij projekti. Vazhdojmë!”, ka shkruar ministri Sveçla në Facebook.























