22:26 / 26.07.2023
Isco i bashkohet Real Betisit
Uran Krasniqi / RTKLive
Futbollisti spanjoll Isco i është bashkuar Real Betisit si lojtar i lirë.
Sipas njoftimit të klubit të La Ligas bërë të mërkurën bëhet fjalë për një kontratë njëvjeçare.
Kontrata e Iscos me Sevillan është ndërprerë vetëm katër muaj pasi ai iu bashkua ekipit.
Trajneri Jorge Sampaoli kishte thënë se ish-lojtari i Real Madridit nuk arriti t'i përmbushte pritjet klubit.
Futbollisti në nëntëmbëdhjetë ndeshje me Sevillan kishte shënuar një gol.























