21:23 / 28.07.2023
Tragjedia në Rufc, Kurti ngushëllon familjen
E. Hoti / RTKlive
Kryeministri i Kosovës, Albin Kurti, ka reaguar pas tragjedisë së sotme në fshatin Rufc të Lipjanit ku u gjetën të vdekur tre antarë të një familje.
Kurti ka thënë se është i trishtuar nga një ngjarje e tillë tragjike.
Ai ka thënë se përtej sqarimit të rrethanave, tragjedi të tilla lënë boshllëk në zemrat e secilit.
Kurti i ka shprehur ngushëllime familjes për humbjen e madhe.
"Familjes Bekteshi i shpreh ngushëllimet më të sinqerta për humbjen e madhe, sikurse edhe të gjithë qytetarëve të Komunës së Lipjanit", ka shkruar Kurti në Facebook.























