Arteta: S’ka asgjë më të mirë se të fitosh trofe në ‘Wembley’
BKT
Sport

Arteta: S’ka asgjë më të mirë se të fitosh trofe në ‘Wembley’

F.Bytyqi/RTKLive

Menaxheri i Arsenalit, Mikel Arteta, është shprehur i lumtur me fitoren dhe paraqitjen e të besuarve të tij ndaj Manchester Cityt.

“Topçinjtë” mbrëmë mundën kampionët në fuqi të Anglisë, me rezultat 4-1 pas penalltive.

Strategu i Arsenalit, duke folur për mediet angleze, tha se nuk ka asgjë më të mirë sesa të fitosh trofe në “Wembley”.

“Është një ndjenjë e mrekullueshme. Nuk mund të ketë asgjë më të mirë se të fitosh një trofe në ‘Wembley’ kundër skuadrës më të mirë në botë, sidomos për mënyrën se si fituam ne”, tha Arteta.

“Ne patëm raste të shumta në pjesën e parë, por nuk i realizuam ato. Megjithatë, ne ia dolëm fillimisht të barazojmë rezultatin dhe më pas fituam në penallti. Në këtë ndeshje ‘luftuam’ shumë dhe bëmë paraqitje mjaft të mirë”, ka theksuar Arteta.