PSV Eindhoven merr fitore të thellë kundër Sturm Graz
BKT
Sport

PSV Eindhoven merr fitore të thellë kundër Sturm Graz

Uran Krasniqi/RTKLive

PSV Eindhoven e ka deklasuar skuadrën austriake, Sturm Graz në kryendeshjen e raundit të tretë kualifikues të Champions League.

Ndeshja e zhvilluar në tokën holandeze është mbyllur me rezultat 4-1.

Edhe pse De Jong nuk ia doli të realizojë hat-trick, ai prapë se prapë kishte shumë arsye për të festuar pasi arriti t'i shënojë dy gola. 

Dy golat e tjerë për PSV janë shënuar nga Babadi dhe Sangare, ndërsa golin e vetëm për skuadrën austriake e ka realizuar Gorenc-Stankovic.

Po qe se në ndeshjen e dytë Sturm Graz nuk ia del që ta kthejë rezultatin, atëherë skuadra holandeze do të ndeshet në play-off kundër Rangers ose Servette.