Përtej kufijve: Petrit Halilaj në Akademinë Botërore të Artit
BKT
Në Fokus

Përtej kufijve: Petrit Halilaj në Akademinë Botërore të Artit

E. Hoti / RTKlive

Artisti Petrit Halilaj është zgjedhur anëtar i Akademisë së Artit Botëror në Köln, duke shënuar kështu një arritje tjetër shumë të rëndësishme në fushën e artit bashkëkohor.

Përmes një postim në Facebook, Ministria e Kulturës, Rinisë dhe Sportit (MKRS) ka përgëzuar dhe i ka uruar mbarësi artistit Petrit Halilaj.

“Lidhja e rrënjosur thellë me historinë e Kosovës shërben si bazë e veprave të Petritit të cilat janë orkestrime mjeshtërore që përfshijnë një shumëllojshmëri mediash. Këto vepra arti të jashtëzakonshme kanë zbukuruar festivalet dhe galeritë më të njohura, duke qëndruar si një dëshmi e talentit të tij të jashtëzakonshëm dhe duke promovuar Kosovën gjithandej botës”, thuhet në postimin e MKRS-së.

Sipas kësaj ministrie, përzgjedhja e Petritit nuk është thjesht një vlerësim individual, por edhe njohje e thelbit kulturor të Kosovës.

“Përderisa ai nis këtë rrugëtim të ri si anëtar i akademisë, përzgjedhja e Petritit nuk është thjesht një vlerësim individual, por edhe njohje e thelbit kulturor të Kosovës. Lidhja e tij me këtë institucion të vlerësuar globalisht e lidh atë me artistë dhe studiues botërorë, të cilët së bashku formësojnë peizazhin kulturor në shkallë ndërkombëtare”, thuhet tutje në postimin e MKRS-së .


MË SHUME NGA Në Fokus