Kurti mbledhi ministrat, diskutuan për programin qeverisës
BKT
Lajme

Kurti mbledhi ministrat, diskutuan për programin qeverisës

RTKlive

Kryeministri Albin Kurti ka mbledhur të premten kabinetin qeveritar, për të diskutuar rreth projekteve dhe progresit në përmbushjen e planit strategjik të qeverisë. Kështu ka deklaruar zëdhënësi i Qeverisë Përparim Kryeziu, i cili mohoi se kjo mbledhje është thirrur për t‘i diskutuar zhvillimet e fundit në Kosovë.

Zëdhënësi i Qeverisë, ka thënë se në takimin qeveritar u diskutua mbi mbarëvajtjen e projekteve.

"Kryeministri Kurti ka zhvilluar sot një takim intern me kabinetin qeveritar, siç ishte planifikuar një javë më parë. Nuk ka të bëjë me zhvillimet e sotme. Gjatë këtij takimi u diskutua mbi mbarëvajtjen e projekteve dhe progresin në përmbushjen e planit strategjik-operacional e të programit qeverisës", ka thënë Përparim Kryeziu.

Të premten u arrestuan dy zyrtarë të Ministrisë së Industrisë dhe një biznesmen, për veprat, “Keqpërdorim i detyrës zyrtare”si dhe “Dhënie të ndihmës në kryerjen e veprës penale të Keqpërdorimit të detyrës zyrtare”.


MË SHUME NGA Lajme