Vlorë, helmohen 41 turistë polakë, por gjendja nuk paraqitet kritike
RTSH
41 turistë polakë janë helmuar dhe janë paraqitur për të marrë ndihën e shpejtë në spitalin e Vlorës.
Dyshohet se helmimi është shkaktuar nga ushqimi i konsumuar.
Drejtoria Rajonale e Autoritetit Kombëtar të Ushqimit Vlorë në një deklaratë shpreh shqetësimin e thellë për incidentin e fundit, ku ishin të përfshirë disa pacientë të rinj nga Polonia, të cilët ishin me pushime në Shkodër e më pas kanë udhëtuar drejt Vlorës.
Pas udhëtimit me anije në Vlorë, menjëherë, janë paraqitur për kujdes mjekësor pranë Spitalit Rajonal Vlorë, me të cilët kemi punuar ngushtësisht.
Sipas njoftimit situata e pacientëve nuk paraqitet kritike.
AKU Vlorë ndërkohë po heton përcaktimin e burimit dhe shkakut të kësaj incidence ushqimore që ka prekur pacientët.
AKU po koordinohet me profesionistët e kujdesit shëndetësor në Spitalin Rajonal të Vlorës për t’u siguruar që pacientët të marrin kujdesin e nevojshëm shëndetësor.
AKU me këtë rast u bën thirrje operatorëve të kenë kujdes dhe të mos operojnë me shërbim ushqimi pa qenë të autorizuar e të licencuar lidhur me kriteret e sigurisë ushqimore dhe të kenë kujdes me kushtet e ruajtjes në temperaturat e larta të sezonit.
AKU udhëzon konsumatorët të mos konsumojnë ushqime që kanë qëndruar për më shumë se 2 ore pas gatimit jashtë frigoriferit.
DRAKU Vlorë po bashkëpunon me autoritetet vendore shëndetësore dhe agjencitë ligjzbatuese për udhëheqjen e një hetimi toksikologjik lidhur me çështjen.























