15:51 / 10.10.2023
Nikolla e Otruba diskutuan për anëtarësimin e Shqipërisë në BE
ATSH
Kryetarja e Kuvendit, Lindita Nikolla zhvilloi sot një takim me ambasadorin e Sllovakisë në Tiranë, Albin Otruba.
Nikolla informoi se në takim u diskutua mbi mundësitë e zgjerimit të bashkëpunimit të gjithanshëm mes Shqipërisë dhe Sllovakisë, si dhe partneritetin në NATO dhe OSBE.
Po ashtu, kryeparlamentarja theksoi se në takim u diskutua edhe për vijimin e mbështetjes për anëtarësimin e Shqipërisë në BE, si dhe intensifikimin e bashkëpunimit parlamentar.
“Diskutuam për lidershipin e Shqipërisë në Procesin e Berlinit dhe kontributin për nxitjen dhe mbështetjen e bashkëpunimit, demokratizimit dhe integrimeve rajonale”, u shpreh Nikolla.























