10:14 / 17.10.2023
Lufta në Gaza, Shqipëria abstenon projekt-rezolutën e paraqitur nga Rusia
ATSH
Këshilli i Sigurimit të OKB-së rrëzoi rezolutën e Rusisë për luftën në Rripin e Gazës.
Në mbledhjen e djeshme të KS, Shqipëria abstenoi sa i përket projekt-rezolutës së paraqitur nga Rusia sepse teksti nuk arriti të trajtonte siç duhet të gjitha çështjet kritike, duke përfshirë dënimin e sulmeve terroriste nga Hamasi, njoftoi sot Misioni i Shqipërisë në OKB.
Këshilli i Sigurimit i Kombeve të Bashkuara duhet të bëhet bashkë në dënimin e terrorizmit, në adresimin e shumë prej nevojave urgjente dhe kritike në terren, duke përfshirë situatën e rëndë humanitare në Gaza dhe mbrojtjen e civilëve kudo, thuhet në një reagim të Misionit në Twitter.























