Goditi me grusht deputetin socialist, Nallbani thirret në SPAK
BKT
Shqipëri

Goditi me grusht deputetin socialist, Nallbani thirret në SPAK

rtsh

Deputeti demokrat Bledion Nallbati është thirrur këtë të hënë nga SPAK për të dhënë shpjegime mbi sherri në Parlament mes tij dhe deputetit socialist Vullnet Sina, i cili agravoi në përplasje fizike.

Nallbati ka lënë ambientet e SPAK, ku në një prononcim për media ka deklaruar se nuk ka patur asnjë goditje por vetëm shtyrje.

“Nuk pati goditje, unë shkova të merrja kartën dhe u shtymë”, tha ai.

Më 31 tetor, një ditë pas përplasjes në seancë plenare, Partia Socialiste i dërgoi një kërkesë Kryeparlamentares Lindita Nikolla për marrjen e masave disiplinore ndaj 7 deputetëve të PD-së të cilët bllokuan dhe krijuan tensione në Kuvend.

PS kërkoi marrjen e masës disiplinore për Bledion Nallbatin, Albana Vokshin, Flamur Nokës, Edi Palokës, Saimir Korreshi, Lefter Gështenja,  Gazment Bardhit.

Në këtë kuadër, Komisioni i Etikës vendosi përjashtimin me 10 ditë nga punimet e Kuvendit të deputetëve të ‘Rithemelimit’: Bledion Nallbati, Flamur Noka, Edi Paloka, Albana Vokshi dhe Gazment Bardhi. Me 3 ditë u përjashtua edhe deputeti Saimir Korreshi.


MË SHUME NGA Shqipëri