Gjenden mbetje mortore në Prekaz, dyshohet të jenë të personave të zhdukur
BKT
Në Fokus

Gjenden mbetje mortore në Prekaz, dyshohet të jenë të personave të zhdukur

E. Hoti / RTKlive

Komisioni Qeveritar për Persona të Zhdukur, ka njoftuar se kanë hasur në mbetje mortore gjatë gërmimeve në varrezat e fshatit Prekaz të Skenderajt.

Në njoftim thuhet se mbetjet mortore mund te jenë të viktimave në listën e personave të zhdukur.

“Pas gërmimeve në lokacionin Arbanë, Prizren, sot gjatë ditës, ekipet e Komisionit Qeveritar për Persona të Zhdukur, Institutit të Mjekësisë Ligjore dhe Drejtorisë së Policisë për Hetimin e Krimeve të Luftës, kanë vazhduar gërmimet edhe në lokacionin e varrezave në fshatin Prekaz, Skenderaj. Pas disa orë gërmimeve, ekipet kanë hasur dhe zhvarrosur mbetje mortore (eshtra) të viktimave që mund te jetë në Listën e Personave të Zhdukur”, thuhet në njoftim.

Tutje në njoftim thuhet se gërmimet po vazhdojnë ende dhe se pas rezultateve të ADN-së do të njoftohet për identifikimet e mundshme të këtyre trupave.


MË SHUME NGA Në Fokus