16:22 / 24.11.2023
Kryediplomatja belge pritet nga presidentja Osmani
M.P / RTKlive
Kryediplomatja belge, Hadja Lahbib, është pritur nga presidentja Vjosa Osmani.
Ky takim vjen pas atij me ministren e Punëve të Jashtme, Donika Gërvalla. Pas takimit me këtë të fundit Lahbib në konferencë për media theksoi se dialogu i ndërmjetësuar nga BE mes Kosovës e Serbisë është e vetmja zgjidhje për paqe të qëndrueshme.
Ajo çmoi rolin e diasporës shqiptare në ndërtimin e jetës sociale dhe zhvillimin ekonomik të shtetit belg.
Ministrja e Punëve të Jashtme, Çështjeve Evropiane dhe Tregtisë së Jashtme dhe e Institucioneve Federale të Kulturës në Mbretërinë e Belgjikës do të takohet edhe me kryeministrin Albin Kurti.
Kjo është hera e parë që Lahbib vjen në Kosovë.
























