22:42 / 30.11.2023
Osmani e Angili flasin për bashkëpunimin në fushën e sigurisë
RTKlive
Presidentja Vjosa Osmani ka pritur sot në takim ambasadorin e Republikës së Turqisë në Kosovë, Sabri Tunç Angılı, me të cilin ka diskutuar për raportet Kosovë-Turqi.
Sipas njoftimit për medie lëshuar nga Presidenca, në këtë takim është diskutuar për intensifikimin e bashkëpunimit ndërshtetëror, me theks të veçantë në fushën e sigurisë, si dhe raportet tregtare në mes të dy vendeve.
Në këtë drejtim, presidentja ritheksoi përkushtimin e Kosovës për thellim të raporteve të shkëlqyera bilaterale dhe bashkëpunimit me Turqinë.























