Tottenham me mund triumfon ndaj Evertonit
BKT
Sport

Tottenham me mund triumfon ndaj Evertonit

F.Bytyqi /RTKLive

Tottenham ka shënuar fitore të ngushtë ndaj Evertonit, në kuadër të xhiros së 18-të në Premier League.

Spurs morën pikët e plota me rezultat 2:1, me mysafirët që ishin shumë afër ta barazonin në kohën shtesë.

Richarlison shënoi pas një asistimi të Johnson për t’i dhënë epërsinë Tottenhamit pas nëntë minutave lojë.

Ndërsa, ishte kapiteni Heung-min Son që dyfishoi epërsinë pas një topi të kthyer (18’).

Everton dha shenja ‘jete’ shumë vonë. Fillimisht në minutën e 82-të, Angel Gomes ngushtoi epërsinë.

Ndërsa në kohën shtesë, Danjuma kishte dy raste shënimi por që s’i finalizoi.

Tottenham tani renditet në pozitën e katërt me 36 pikë derisa Everton zë pozitën e 16-të me 16 sosh.