16:05 / 30.12.2023
Haxhiu: Isufaj të përgjigjet, pse u tërhoq urdhëarresti ndaj Radoiçiqit
E. Hoti / RTKlive
Ministrja e Drejtësisë, Albulena Haxhiu, ka reaguar sërish ndaj kryeprokurorit të Prokurorisë Speciale, Blerim Isufaj.
Në reagimin e saj në rrjetin social Facebook, Haxhiu ka thënë se Blerim Isufaj, le të përgjigjet vetëm në pyetjen se pse u tërhoq urdhëarresti për Milan Radojçiqin.
“Në vend të reagimeve kundrejt deklarimeve tona, Blerim Isufaj, le të përgjigjet vetëm në pyetjen se pse u tërhoq urdhëarresti për kryekriminelin Radojçiq në vitin 2021? Po të mos hiqej fletarresti me 2021 ndoshta nuk do të kishte Bajnskë 2023. Mos të tentojë të ikë nga thelbi i çështjes!”, ka shkruar Haxhiu në Facebook.
Isufaj të premten ka pranuar se kishte dhënë pëlqimin për heqjen e urdhërarrestit ndaj Milan Radoiçiqit në vitin 2021.























