19:15 / 16.02.2024
FFK e prezanton nesër trajnerin e ri të Kosovës
Uran Krasniqi / RTKLive
Trajneri i ri i Kombëtares së Kosovës do të prezantohet të shtunën, ka njoftuar Federata e Futbollit e Kosovës.
"Federata e Futbollit e Kosovës, nesër, do të bëjë prezantimin e përgjedhësit të ri të Kombëtares.
Prezantimi para mediave do të bëhet në orën 14:00 në hotel “Emerald”", ka njoftuar FFK.
FFK nuk ka përmendur ndonjë emër, por është Franco Foda ai që është përmendur për ta marrë drejtimin e skuadrës.























