14:16 / 24.02.2024
Edmond Thaçi nderohet me titullin “Ambasador i Paqes”
RTKLive
Gazetari dhe redaktori i sportit në RTK-Radio, Edmond Thaçi të shtunën në Tiranë është nderuar me titullin “Ambasador i Paqes” nga Federata Universale e Paqes e Shqipërisë.
Ky çmim prestigjioz që ndahet për personalitet e shquara, gazetarit të RTK-së Edmond Thaçi, i ndahet me motivacionin për kontribut të madh dhënë gazetarisë sportive dhe bashkëpunimit mes gazetarëve Sportivë nga Kosova dhe Shqipëria.
Edmond Thaçi është gazetar dhe redaktor i Sportit në RTK - Radio Kosovë që nga viti 2006.
Ai aktualisht është edhe president i Shoqatës së Gazetarëve Sportivë të Kosovës.























