Fillon takimi Bislimi-Lajçak
BKT
Foto: Edina Avdiu
Lajme

Fillon takimi Bislimi-Lajçak

E. Avdiu /RTK

(E plotësuar 10:04) Përfaqësuesi i Posaçëm i Bashkimit Evropian për Dialogun Kosovë-Serbi, Miroslav Lajçak, ka arritur në ndërtesën e Qeverisë.

Lajçak po zhvillon takim me kryenegociatorin e Kosovës, zëvendëskryeministrin Besnik Bislimi, me të cilin do të diskutohet për ecjen përpara me zbatimin e Marrëveshjes Bazike.

Vizita e Lajçakut në Kosovë vjen një javë pas takimit që u zhvillua në Bruksel, ku u diskutua për rregulloren e Bankës Qendrore të Kosovës sipas të cilës valutë e vetme e vlefshme në Kosovë është euro.

Në këtë takim Kosova ishte përfaqësuar nga guvernatori i BQK-së, Ahmet Ismaili.

Nuk ka asnjë përshkrim të disponueshëm

Lajçak sot në Prishtinë, takohet me Bislimin

N. Mekolli /RTKlive

Zëvendëskryeministri i Parë për Integrim Evropian, Zhvillim dhe Dialog i Kosovës, Besnik Bislimi, pret sot në takim, Emisarin e Posaçëm të Bashkimit Evropian për Dialogun Kosovë-Serbi, Miroslav Lajçak.

Sipas njoftimit, takimi pritet të ndodhë në ndërtesën e Qeverisë, prej orës 09:30, raporton RTKlive.

Bislimi, i cili është edhe kryenegociator i Kosovës në bisedimet e ndërmjetësuar nga BE-ja, do të bisedojë më Lajçakun “për ecjen përpara me zbatimin e Marrëveshjes Bazike”, sipas komunikatës.

 “Zëvendëskryeministri i Parë për Integrim Evropian, Zhvillim dhe Dialog i Republikës së Kosovës, Besnik Bislimi, pret në takim ditën e nesërme, Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajçak, me të cilin do të diskutohet për ecjen përpara me zbatimin e Marrëveshjes Bazike”, thuhet në njoftimin Zyrës për Informim të Kryeministrit Kryeministrit.

Ndërkohë, edhe Lajçak të hënën ka paralajmëruar se do të takohet me zëvendëskryeministrin, Besnik Bislimi.

“Pika kryesore e agjendës sime në Bruksel javën e kaluar ishte takimi ndërmjet përfaqësuesve të Kosovës dhe Serbisë për gjetjen e përgjigjeve për pyetjet e hapura për vendimin e fundit të Bankës Qendrore të Kosovës për operimin me para të gatshme – më konkretisht çështjen e ndihmës së Serbisë për njerëzit që jetojnë. në Kosovë. Përshëndeta angazhimin e të dy delegacioneve për t’u angazhuar në mënyrë konstruktive në gjetjen e një zgjidhjeje të qëndrueshme për komunitetet e prekura. Takimi ishte një hap i parë i rëndësishëm; megjithatë, mbeten shumë pyetje politike dhe do të nevojiten bisedime shtesë në ditët në vijim. Kjo është arsyeja pse si hap i menjëhershëm i ardhshëm do të kem një diskutim vijues me zëvendëskryeministrin e parë dhe kryenegociator të Kosovës Besnik Bislimi”, ka shkruar Lajçak në Facebook.

Me ndërmjetësimin e BE-së, Kosova dhe Serbia arritën Marrëveshjen për normalizimin e marrëdhënieve më 27 shkurt të vitit 2023.


MË SHUME NGA Lajme