Princ Leka dhe ish-bashkëshortja Zaharia, padisin njëri-tjetrin për dhunë
BKT
Magazina

Princ Leka dhe ish-bashkëshortja Zaharia, padisin njëri-tjetrin për dhunë

rtsh.al

Princ Leka dhe ish-bashkëshortja e tij, Elia Zaharia kanë paditur në polici njëri-tjetrin për dhunë. Kallëzimi është bërë në komisariatin nr.1, ku Princ Leka ka kallëzuar ish bashkëshorten e tij Elia Zaharia dhe babanë e saj Gjergj Zaharia për ushtrim dhune. Të njëjtën padi ka bërë edhe Elia Zahari kundrejt Princ Lekës.

Sipas dëshmisë së Princ Lekës dhuna ndaj tij nga ish bashkëshortja dhe ish vjehrri kanë ndodhur në rezidencën e familjes mbretërore pasditen e 5 marsit, ku ai kishte vajtur për të takuar vajzën e tij 3-vjeçar

Pas kallëzimit, të dy si Princ Leka dhe ish bashkëshortja e tij Elia Zaharia janë pajisur me urdhër mbrojtje.

Princ Leka dhe partnerja e tij aktorja Elia Zaharia, i dhanë fund martesës së tyre 7-vjeçare, ndërsa zyrtarisht princi e konfirmoi divorcin më 15 janar. Fryt i dashurisë së tyre është vajza 3-vjeçare, e cila jeton me të ëmën.

Pas ndarjes nga aktorja, Princ Leka ka nisur një histori dashurie me Blerta Celibashin, fotografe pranë Oborrit Mbretëror.


MË SHUME NGA Magazina