11:30 / 07.03.2024
Policia dhe Dogana me aksion në barnatoret në veri
E. Hoti / RTKlive
Policia e Kosovës ka bërë të ditur se është duke e asistuar Doganën gjatë aksioneve në disa lokacione në veriun e Kosovës, lidhur me dyshimet për kontrabandë me barna dhe materiale mjekësore.
Lajmin për RTKlive e ka konfirmuar zëvendësdrejtori i Policisë për rajonin e veriut, Veton Elshani.
Ai tha se aksioni është duke u zhvilluar në dy barnatore.
“Kontrolli kryhet për shkak të dyshimit për kontrabandë me mallra, gjegjësisht produkte mjekësore”, tha Elshani për RTKlive.























