BE paralajmëron takim në nivel kryenegociatorësh në Bruksel më 19 mars
BKT
Lajme

BE paralajmëron takim në nivel kryenegociatorësh në Bruksel më 19 mars

RTK

Bashkimi Evropian ka thirrur një takim të dialogut për normalizimin e raporteve mes Kosovës dhe Serbisë në nivel të kryenegociatorëve.

Besnik Bislimi, kryenegociator i Kosovës, dhe Petar Petkoviq i Serbisë, pritet që të takohen më 19 mars, në Bruksel.

Këtë takim e ka konfirmuar edhe emisari amerikan, Gabriel Escobar sonte pas takimit me kryeministrin Kurti.

“Shpresoj që Qeveria e Kosovës të jetë fleksibile në diskutimet në dialog të martën, sa i përket rregullores së BQK-së”, tha Escobar, pas takimit të sotëm me kryeministrin Albin Kurti.

Në takimin e së martës në Bruksel pritet të diskutohet për planin e sekuencimit për zbatimin e Marrëveshjes për rrugën drejt normalizimit të raporteve mes Kosovës dhe Serbisë, por edhe për çështjen e dinarit serb.


MË SHUME NGA Lajme