Plaçkitet shtëpia e Bajram Kelmendit
BKT
Lajme

Plaçkitet shtëpia e Bajram Kelmendit

Arbana Hajredinaj | RTK

Sot është plaçkitur e demoluar shtëpia e avokatit të ndjerë, Bajram Kelmendi. Sipas vajzës së tij, avokates Kosovare Kelmendi, policia ka reaguar shumë shpejt, duke arrestuar pesë të dyshuar.

Shtëpia që ndodhet në rrugën që mban emrin e avokatit të vrarë nga forcat serbe bashkë me dy djemtë e tij.

Kelmendi nuk deshi të deklarohej për RTK-në, me arsyetimin se është e zënë duke u marrë me riparimet.

Megjithatë, më vonë, në rrjetet sociale, ajo falënderoi policinë për veprim të menjëhershëm.

"E falënderojmë Policinë e Kosovës për profesionalizmin e jashtëzakonshëm dhe efikasitetin që kanë treguar në këtë rast, duke iu përgjigjur thirrjes sime dhe duke reaguar në kohë rekord prej pesë minutash, për t’i kapur në flagrancë-brenda në shtëpi kryerësit e veprës", shkroi Kosovare Kelmendi.

Rastin për RTK-në e konfirmoi edhe policia e cila sipas zëdhënëses Flora Ahmetit, ka dalë në vendin e ngjarjes dhe ka arritur të arrestojë dy persona të cilët dyshohen të jenë futur brenda shtëpisë.

Të njëjtit me rekomandimin e prokurorit të shtetit janë dërguar në mbajtje prej 48 orësh për tu proceduar tutje në fazat e mëtejme hetimore.


MË SHUME NGA Lajme