09:04 / 16.04.2024
Vritet një grua në Pejë, dyshohet se dorasi ishte bashkëshorti
A.B| RTKlive
Është vrarë një grua në Pejë, ku dyshohet se dorasi ishte bashkëshorti.
Rastin për RTKlive e ka konfirmuar zëdhënësi i prokurorisë në Pejë, Shkodran Nikçi. I dyshuari është arrestuar e në vendin e ngjarjes.
“Në Pejë ka ndodhur një rast i vrasjes, ku dyshohet se në një banesë në qendër të Pejës bashkëshorti ka privuar nga jeta gruan e tij. Aktualisht në vendin e ngjarjes është kryeprokurori, prokurori, krimet e rënda dhe të gjitha ekipet relevante. Po e presim Mjekësinë Ligjore për të marrë trupin e pajetë. Është arrestuar i dyshuari”, ka thënë Nikçi.























