10:44 / 29.04.2024
Sot nisin ditët e gjuhës gjermane, aktivitete kulturore në planifikim
Medina Pasoma |RTKlive
Gjermania, Austria, Zvicra dhe Luksemburgu do të organizojnë “Ditët e Gjuhës Gjermane Kosovë 2024”.
Lajmin për ngjarjen që do të organizohet nga sot deri më 17 maj e ka bërë të ditur Ambasada gjermane në Kosovë.
“Këtë vit sërish do të organizojmë më shumë se 35 ngjarje, në mesin e të cilave ekspozita, koncerte, podcast-e shfaqje filmike, lexime, piknik të letërsisë, ligjërata dhe biseda, kurse gjuhe, një mbrëmje me karaoke dhe shumë të tjera”, ka njoftuar kjo ambasadë.
Ambasadorët e Gjermanisë, Austrisë, Zvicrës, si dhe i Ngarkuari me Punë i Luksemburgut do ta paraqesin programin sot gjatë një konference për shtyp në zyrat e BE-së dhe në këtë kuadër do të hapin Ditët e Gjuhës Gjermane.























