Metani në Uashington DC, takime me zyrtarë të Departamentit të Drejtësisë
BKT
Shqipëri

Metani në Uashington DC, takime me zyrtarë të Departamentit të Drejtësisë

ATSH

Zyra për Zhvillimin, Ndihmën dhe Trajnimin e Prokurorisë jashtë Vendit (OPDAT) në Ambasadën e SHBA-së, në Tiranë, mundësoi një takim në Uashington DC mes inspektorit të lartë të Drejtësisë, Artur Metani, dhe drejtuesve kryesorë në Departamentin e Drejtësisë së SHBA-së.

Përmes një njoftimi për shtyp, ambasada e SHBA-së në Tiranë bëri të ditur se gjatë vizitës së tij në Uashington DC këtë javë, Metani u takua me Inspektorin e Përgjithshëm të Departamentit të Drejtësisë Michael Horowitz, zëvendësndihmës prokurorin e përgjithshëm, Bruce Swartz, dhe këshilltarin e Zyrës së Përgjegjësisë Profesionale, Jeffrey Ragsdale.

Zyrtarët amerikanë riafirmuan mbështetjen e Shteteve të Bashkuara për Zyrën e Inspektorit të Lartë të Drejtësisë në misionin e saj jetik në mbështetje të profesionalizmit, pavarësisë dhe integritetit mes gjyqtarëve dhe prokurorëve.

Nga ana e tij, Inspektori i Lartë i Drejtësisë Metani shprehu mirënjohjen për inkurajimin dhe mbështetjen e vazhdueshme të SHBA-së në forcimin e shtetit të së drejtës në Shqipëri dhe në drejtim të eficiencës dhe profesionalizmit të ekipit të Zyrës së ILD-së.

 


MË SHUME NGA Shqipëri