19:36 / 15.05.2024
Lajçak: Jam i gatshëm t’i pres palët sërish në takim
E.Hoti / RTKlive
Emisari i Posaçëm i Bashkimit Evropian për dialogun Kosovë-Serbi, Miroslav Lajçak, është shprehur i gatshëm t’i pres sërish në takim palët për të arritur kompromis lidhur me çështjen e pagesave cash në Kosovë, pas dështimit të takimit të shtatë të tyre për çështjen e dinarit.
Këtë Lajçaku e ka bërë të ditur nëpërmjet një postimi në platformën X, pas takimit trepalësh të mbajtur të mërkurën në Bruksel.
“Prita për herë të 7-të kryenegociatorët e Kosovës dhe Serbisë mbi implikimet e rregullores së BQK-së. Fatkeqësisht, palët nuk arritën të arrijnë marrëveshje. Jam gati të pres përsëri palët nëse ato tregojnë gatishmëri për të arritur një zgjidhje të përkohshme të pëlqyeshme reciprokisht”, ka shkruar ai.























