Gati për fillimin e Samitit të liderëve, Ballkan Perëndimor-BE
Edona Podvorica| RTK| Kotorr, Mali i Zi
Në njërin nga hotelet në Kotorr të Malit të ZI janë bërë përgatitjet për të pritur liderët e 6 vendeve të Ballkanit Perëndimor, të cilët në ambient të hapur do të deklarohen për media në fjalët përshëndetëse, para se të fillojnë diskutimin në panel, raporton RTKlive.
Rene Troccaz i dërguar i Francës për Ballkanin Perëndimor do të marrë po ashtu pjesë në samitin e Liderëve të Ballkanit Perëndimor!.
Në këtë takim që mbahet në Kotorr të Malit të Zi pritet të marrë pjesë edhe ndihmës sekretari amerikan në Byronë për Çështje të Evropës dhe Euroazisë, James O’Brien.
Angazhimet e tij në samit do të fokusohen në integrimin ekonomik rajonal dhe mundësinë e rritjes të ofruar nga Plani i Rritjes së Ballkanit Perëndimor të BE-së, si dhe do të përforcojnë mbështetjen e fortë të Shteteve të Bashkuara për rrugën e Ballkanit Perëndimor drejt anëtarësimit në BE, thuhet në komunikatë e Departamentit të Shtetit.
Ndryshe kryeministri i Republikës së Kosovës, Albin Kurti do të jetë folës në panelin e diskutimit "Situata aktuale dhe planet e së ardhmes - Plani i ri i rritjes.
























