Elshani për protestën: Situata nën kontroll, pak protestues
BKT
Foto: Edina Avdiu / RTK
Lajme

Elshani për protestën: Situata nën kontroll, pak protestues

Edina Avdiu|RTK

(Plotësuar, 16:00) Sipas informacioneve që ka siguruar RTK, vetëm rreth 20 persona janë mbledhur për të protestuar në territorin e Serbisë, por që nuk shihen në afërsi të kufirit në Jarinjë.

Zëdhënësi i Policisë Rajonale për Mitrovicë, Veton Elshani, në një përgjigje për RTK-në ka thënë se policia i ka marrë masat në mënyrë që situata të jetë nën kontroll.

“Nuk kemi pasur ndonjë problem për t’u theksuar. Rruga është e hapur, nuk kemi ndonjë problem në këtë pikë kufitare. Ka qenë një numër shumë i vogël”, ka thënë Elshani.

Ndërkohë, nuk dihet kush është organizatori i kësaj proteste.

Pika kufitare në Jarinjë, patrullim edhe nga ajri me helikopterë

Pas paralajmërimit për protestë në Serbi, në Leposaviq vërehet prezencë më e madhe e Policisë së Kosovës dhe KFOR-it.

Megjithatë situata në afërsi të pikës kufitare në Jarinjë është e qete dhe qarkullimi po vazhdon normalisht.

Përveç KFOR-it dhe Policisë së Kosovës në afërsi të pikës kufitare në Jarinjë po qëndrojnë edhe automjete te misionit të Bashkimit Evropian për zbatim të ligjit, EULEX si dhe karabinierët.

Patrullimi i kufirit po bëhet edhe nga ajri me helikopterë. Qarkullimi i automjeteve në këtë pikë kufitare është i vogël.

Ndryshe, Qendra Kombëtare për Menaxhim Kufitar ka ftuar qytetarët të cilët planifikojnë të udhëtojnë përmes pikë - kalimeve kufitare me Serbinë, që të shtunën (sot) të përdorin pika tjera për qarkullim, pasi atje për sot janë paralajmëruar protesta.

Nuk ka asnjë përshkrim të disponueshëmNuk ka asnjë përshkrim të disponueshëm

Nuk ka asnjë përshkrim të disponueshëm


MË SHUME NGA Lajme