Geopost publikon bisedën mes oficerit të BIA-s e të dyshuarit për spiunazh
BKT
Foto ilustrim
Lajme

Geopost publikon bisedën mes oficerit të BIA-s e të dyshuarit për spiunazh

G.K/RTKlive

Portali Geopost ka publikuar një audio-incizim, ku pretendohet se dëgjohen duke biseduar Srdjan Rosiq dhe B.Sh, ky i fundit i arrestuar nën dyshimin për spiunazh.

Megjithëse, audio në disa pjesë është e censuruar, pretendohet se i dyshuari si bashkëpuntor i shërbimit serb të intelegjencës B.Sh, kërkon që BIA t’i ndihmojë atij dhe njerëzve të tij që ta kryejnë një punë.

“Çka mendon? Do t’i pyesësh ata tuajt, ta shtyejnë këtë apo do të flenë?”, pretendohet t’i ketë thënë B.Sh oficerit të BIA-s. Ndërsa Rosic thotë se “do ta shtyejnë, porse paksa janë…presin të zgjohen…”

Më tej, B.Sh thotë se duhet vepruar asisoj, që dikush tjetër ta ngacmojë tërthorazi, e më pas “t’ia vëmë benzinën dhe të marrë flakë edhe më shumë”, raporton Geopost.

Biseda mes të dyshuarve është realizuar në gjuhën serbe.

RTK gjate ditës së djeshme ka dhënë ekskluziviaht lajmin se të dyshuarit për spiunazh i raportonin një oficeri të shërbimit sekret serb me emrin Sërgjan Rosiq.

Kush është Srdjan Rosiq?

Srdan Rosiq gjatë viteve ’90-ta ka jetuar në Ferizaj derisa ishte i angazhuar si oficer në shërbimin sekret serb. Emri i tij është përmendur edhe në rastin e gjykimit ndaj kryekriminelit serb Slobodan Millosheviq në Tribunalin Ndërkombëtar të krimeve të luftës në Hagë.

 Në transkriptin e njërës prej seancave gjyqësore të datës 22 shtator 2005, një dëshmitar i cili ishte polic i SUP-it serb (Sekretariati i Punëve të Brendshme), pyetet nëse e njeh Srdjan Rosiqin. Ai përgjigjet se Sërgjan Rosiq në atë kohë ( sq. vitet e ’80-ta dhe ’90-ta) ishte punonjës operativ në Shërbimin shtetëror të sigurisë për rajonin e Ferizaj.


MË SHUME NGA Lajme