11:42 / 04.07.2024
Lajçak takohet me sekretarin e shtetit spanjoll për BE, flasin për dialogun
B. H. | RTKlive
I dërguari i posaçëm i Bashkimit Evropian për dialogun Kosovë-Serbi, Miroslav Lajçak ka bërë të ditur se në margjinat e Forumit Ekonomik Botëror dhe në aktivitetet e Këshillit Evropian për Marrëdhënie me Jashtë në Madrid, është takuar me Sekretarin e Shtetit të Spanjës për BE, Fernando Mariano Sampedro Marcos.
Ai tha se me Marcos vazhdoi “konsultimet e rregullta me shtetet anëtare të BE-së”, por edhe për dialogun Kosovë-Serbi e çështje tjera të Ballkanit Perëndimor.
“Ne patëm një diskutim të gjerë dhe të dobishëm rreth Dialogut dhe çështjeve më të gjera të Ballkanit Perëndimor”, ka shkruar Lajçak në platformën X.























