15:33 / 13.09.2024
Osmani takon ambasadorin francez, temë edhe siguria në vend
M.P / RTKlive
Presidentja e Kosovës, Vjosa Osmani, ka pritur sot në takim ambasadorin e Republikës Franceze në Kosovë, Olivier Guérot.
Sipas komunikatës së Presidencës së Kosovës, është diskutuar për sigurinë në vend dhe bashkëpunimin ndërshtetëror.
“Në takim u diskutua për zhvillimet e fundit në fushën e sigurisë në vend, për bashkëpunimin bilateral në fusha të ndryshme të interesit të përbashkët në mes të Kosovës dhe Francës, si dhe prezencën e Kosovës në mekanizma ndërkombëtarë”, njofton presidenca.
























