Dejona Mihali përfundon intervistimin në Prokurorinë Speciale
A. Sejda | RTK
(Plotësuar, 13:25) Ka përfunduar intervistimi i Dejona Mihalit në Prokurorinë Speciale të Kosovës.
Pas daljes nga prokuroria, ajo nuk është deklaruar për media, me gjithë insistimin e gazetarëve për të mësuar më shumë rreth çështjeve për të cilat ka dhënë dëshmi në prokurori.
Prokuroria: Dejona Mihali po intervistohet në cilësi të dëshmitares
(Plotësuar, 12:40) Prokuroria Speciale e Kosovës ka konfirmuar se Koordinatorja e Komiteteve në Lëvizjen Vetëvendosje, Dejona Mihali është paraqitur në prokurori. “Prokuroria Speciale informon se sot, Dejona Mihali, është paraqitur në Prokurorinë Speciale me ftesë të kësaj prokurorie. E njëjta është duke u intervistuar në cilësinë e dëshmitares për disa çështje penale, të cilat kjo prokurori i ka në hetim”, thuhet në njoftimin për media të kësaj prokurorie.
Mihali është paraqitur në Prokurorinë Speciale në orën 9:30.
























