Shqipëri, KQZ miraton rregulloren për regjistrimin e votuesve jashtë vendit
BKT
Shqipëri

Shqipëri, KQZ miraton rregulloren për regjistrimin e votuesve jashtë vendit

rtsh.al

Komisioni Qendror i Zgjedhjeve në Shqipëri i ka dhënë dritën jeshile regjistrimit dhe listës së votuesve të diasporës për zgjedhjet parlamentare të vitit 2025.

Sipas rregullores së miratuar, çdo shtetas shqiptar që jeton jashtë vendit duhet të regjistrohet në Platformën Elektronike të Regjistrimit të paktën 68 ditë përpara datës së votimeve. Zgjedhësit i jepet mundësia ta shkarkojë pa pagesë dhe të krijojë një llogari personale në këtë platformë.

“Zgjedhësi që jeton jashtë Shqipërisë që dëshiron të ushtrojë të drejtën e votës duhet të regjistrohet në listën e zgjedhjeve jashtë vendit. Zgjedhësi aplikon individualisht për t’u bërë pjesë e listës”, tha KQZ.

Ndërkaq KQZ, 63 ditë përpara datës së zgjedhjeve, publikon listën paraprake me qëllim që zgjedhësit brenda 48 orësh të kenë mundësi të kërkojnë regjistrimin apo rregullimin e pasaktësive të mundshme dhe tri ditë më vonë, miraton dhe publikon në faqen zyrtare të internetit të Komisionit Qendror të Zgjedhjeve listën përfundimtare të zgjedhësve nga diaspora.


MË SHUME NGA Shqipëri