Von der Leyen sot në Sarajevë, nesër qëndron në Kosovë, Serbi e Mal të Zi
BKT
Lajme

Von der Leyen sot në Sarajevë, nesër qëndron në Kosovë, Serbi e Mal të Zi

Kryetarja e Komisionit Evropian, Ursula von der Leyen, sot në Sarajevë do të takohet me anëtarët e Presidencës së Bosnjës dhe Hercegovinës. Në Bosnje dhe Hercegovinë, Leyen vizitoi dje Donja Jabllanicën, e cila ka pësuar më së shumti në përmbytjet e fundit.

Presidentja e Komisionit Evropian ka theksuar se BE-ja është e gatshme të ndihmojë Bosnjën dhe Hercegovinën në korrigjimin e pasojave të rrëshqitjeve të dheut dhe përmbytjeve që goditën pjesë të kantoneve të Bosnjës dhe Hercegovinës Qendrore-Neretva natën e 3-4 tetorit.

Ursula von der Leyen ka thënë se Evropa nuk e ka harruar Bosnjën dhe Hercegovinën.

“Ne do të jemi miqtë dhe partnerët tuaj. E patë që Mekanizmi i Mbrojtjes Civile u aktivizua menjëherë dhe ishte prekëse të shihje njerëz, vullnetarë nga vende të ndryshme që ndihmojnë zonat e prekura. Sigurohuni që Evropa është me ju”, ka theksuar ajo.

Presidentja e Komisionit Evropian, Ursula von der Leyen, ndodhet në një vizitë katër-ditore në Ballkanin Perëndimor dhe tashmë ka vizituar Shqipërinë dhe Maqedoninë e Veriut.

Pas vizitës në Bosnje dhe Hercegovinë, ajo do të vizitojë Serbinë, Kosovën dhe Malin e Zi.


MË SHUME NGA Lajme