Metsola takon Spiropalin: PE do të vazhdojë të mbështesë Shqipërinë
BKT
Shqipëri

Metsola takon Spiropalin: PE do të vazhdojë të mbështesë Shqipërinë

ATSH

Presidentja e Parlamentit Evropian, Roberta Metsola, reagoi sot mbi takimin me kryetaren e Kuvendit të Shqipërisë, Elisa Spiropali. Metsola tha se Parlamenti Evropian do të vazhdojë të mbështesë Shqipërinë, teksa po intensifikon reformat dhe përshpejton përafrimin e legjislacionit kombëtar me standardet e BE-së.

Presidentja e PE-së u shpreh se, me Spiropalin zhvilloi një diskutim shumë të mirë.

Metsola theksoi se, PE do të vazhdojë të mbështesë Shqipërinë teksa po intensifikon reformat dhe përshpejton përafrimin e legjislacionit kombëtar me standardet e BE-së.

“Diskutim shumë i mirë me kryetaren e Kuvendit të Shqipërisë, Elisa Spiropali. Ndërsa hapim rrugën për të ardhmen evropiane të Ballkanit Perëndimor, Parlamenti Evropian do të vazhdojë të mbështesë Shqipërinë, teksa po intensifikon reformat dhe përshpejton përafrimin e legjislacionit kombëtar me standardet e BE-së”, shkruan Metsola në rrjetin social X.

Kryetarja e Kuvendit, Elisa Spiropali po zhvillon një vizitë në Parlamentin Evropian, në Bruksel, me ftesë të presidentes së Parlamentit Evropian, Roberta Metsola.

Gjatë kësaj vizite, Spiropali shoqërohet nga bashkëkryetari i Komitetit Parlamentar të Stabilizim-Asociimit Shqipëri-Parlamenti Evropian dhe zëvendëskryetar i Këshillit Kombëtar të Integrimit Evropian, Toni Gogu, kryetarja e Komisionit të Ligjeve, Klotilda Bushka, kryetari i Komisionit të Ekonomisë, Eduard Shalsi, dhe ambasadori i Shqipërisë në Bashkimin Evropian, Ferit Hoxha.


MË SHUME NGA Shqipëri