07:10 / 13.02.2025
Moti në Shqipëri me vranësira dhe reshje shiu, temperaturat nuk ndryshojnë
RTSH
Shqipëria do të vijojë të ndikohet nga kushte të paqëndrueshme atmosferike me reshje shiu prej orëve të para të 24-orëshit e gjatë gjithë ditës por me ndërprerje.
Reshjet priten me intensitet të ulët e lokalisht mesatar, në formë shtrëngatash ndërsa në Alpe dhe relievet malore në lindje mbi 700-900 metër parashikohet prezencë e reshjeve të dëborës me intensitet të ulët.
Era do të fryjë me drejtim verilindje-juglindje 7m/s, ndërsa në lugina dhe bregdet do të arrijë 15m/s e shoqëruar me valëzim në dete të forcës 2-3 ballë.
Temperaturat parashikohen:
Në zonat malore -1 deri 8°C;
Në zonat e ulëta 2 deri 16°C;
Dhe në bregdet 5 deri 15°C.























