Numërohen 95% e votave, PS kryeson me 82 mandate
BKT
Shqipëri

Numërohen 95% e votave, PS kryeson me 82 mandate

rtsh

Procesi i numërimit të votave të zgjedhjeve parlamentare të 11 majit vijon në të gjithë vendin. Deri më tani, kur janë numëruar 95% e votave, Partia Socialiste (PS) ka siguruar 52.13% të votave në shkallë vendi, përkthyer në 82 mandate, duke mbajtur epërsinë në shumicën e qarqeve.

 Nga ana tjetër koalicioni PD-ASHM ka 34.45% të votave në nivel kombëtar, përkthyer në 52 mandate. Në vend të tretë si forcë politike renditet PSD me 3.93%, e cila ka siguruar deri më tani 3 mandate. Nga një mandat secila kanë marrrë Lëvizja Bashkë, Koalicioni Nisma Shqipëria Bëhet dhe Partia Mundësia.

Sipas të dhënave paraprake të KQZ-së, deri në orën 19:00 të dielës së 11 majit, vetëm 42,17% e qytetarëve e shfrytëzuan këtë të drejtë. Përveç fletëvotimeve brenda vendit, për herë të parë sivjet do të numërohen edhe të paktën 194.889 zarfe të ardhura nga shqiptarët jashtë vendit.


MË SHUME NGA Shqipëri