07:32 / 03.06.2025
Moti në Shqipëri me diell
atsh
Shqipëria sot do të ndikohet nga kushte të qëndrueshme atmosferike për shkak të veprimtarisë së Anticiklonit të Azoreve shoqëruar me masa ajrore të thata dhe të ngrohta.
Moti parashikohet i kthjellët në pjesën më të madhe të territorit si dhe alternime vranësirash kalimtare mesatare dhe hera – herës deri të dendura prej orëve të mesditës deri ato të pasdites në relievet malore në lindje.
Era do të fryjë e lehtë me drejtim veriperëndim – jugperëndim, me shpejtësi mesatare 5 m/s ndërsa përgjatë vijës bregdetare dhe në zonat luginore hera-herës era do të fitojë shpejtësi 9 m/s, shoqëruar me valëzim në dete të forcës 1-2 ballë.























