Edhe atletët nisin garat në EYOF Shkupi 2025
BKT
Sport

Edhe atletët nisin garat në EYOF Shkupi 2025

RTKLive

Edhe atletët kosovarë kanë nisin garat në EYOF Shkupi 2025, derisa në sesionin e paraditës janë paraqitur: Amar Maxhuni, Lorina Kadriu dhe Bardh Telaku.

Maxhuni u paraqit në 800 metra dhe bëri paraqitje të mirë, duke përmirësuar kohën e tij prej 5 sekondash, por që ishte e pamjaftueshme për t’u kualifikuar tutje.

Koha e tij ishte 1 minutë e 56.85 sekonda, me një dallim të vogël me garuesit që kaluan tutje. Renditja e tij ishte vendi i 18-të.

Kadriu garoi në 100 metra dhe pati kohën 13.73. Renditja e saj ishte e 28-ta.

Në disiplinën e njëjtë, por tek djemtë, Bardh Telaku zuri kohën 11:38, për t’u renditur i 23-ti. Të dy garojnë edhe në 200m.

Si Kadriu, ashtu edhe Telaku dhanë maksimumin e tyre, por ashtu si në sportet tjera, edhe në atletikë, konkurrenca është tejet e fortë, ku pjesëmarrës janë sportistët më të mirë të rinj të kontinentit tonë.

Të pranishëm në garat e atletikës ishin edhe drejtuesit e KOK-ut, nënpresidentët Milaim Kelmendi e Gazmend Maxhuni, si dhe anëtari i BE, Avni Nuha.