12:14 / 24.10.2025
Për mbështetje ndaj Kosovës, Osmani i ndanë medalje politikanes gjermane
V.S|RTKlive
Presidentja e Kosovës, Vjosa Osmani e cila po qëndron në Gjermani, ka zhvilluar në Berlin takime me mërgatën atje.
Osmani ka bërë të ditur se i ka dorëzuar Medaljen Presidenciale të Meritave politikanes gjermane Marieluise Beck, për mbështetjen e saj të palëkundur ndaj Kosovës.
“Në Berlin, së bashku me mërgatën tonë të jashtëzakonshme, kaluam një mbrëmje plot emocion e mirënjohje. Pata nderin t’i dorëzoj Medaljen Presidenciale të Meritave znj. Marieluise Beck për mbështetjen e saj të palëkundur ndaj popullit të Kosovës - një grua që e bëri kauzën e Kosovës pjesë të ndërgjegjes evropiane”, ka shkruar Osmani.
























