12:06 / 20.11.2025
BE përsëritë shqetësimet për krizën financiare në RTK
Gjeraqina Tuhina / RTK -Bruksel
Bashkimi Evropian ka përsëritur shqetësimet e shprehura më herët lidhur me situatën financiare në Radiotelevizionin e Kosovës (RTK).
“Situata me transmetuesin publik po bëhet gjithnjë e më kritike, një pasojë e drejtpërdrejtë e bllokimit aktual institucional”, thuhet në një përgjigje me shkrim nga Zyra e shtypit e Komisionit Evropian.
Në reagim theksohet gjithashtu se është thelbësore që një vend kandidat për anëtarësim në BE të sigurojë financim të qëndrueshëm dhe të mjaftueshëm, si dhe të mbështesë funksionimin e transmetuesit të tij publik.























